اسأل

سؤال وجواب

اسأل

أسئلة عن الباك إند والفري لانسنج.

اكتب سؤالك

إظهار الاسم
لغة السؤال
0 / 1000

السؤال بيظهر للناس بعد الرد عليه.

الأسئلة والإجابات

بدون اسم ·

مساء الخير انا متخرجة من كلية تربية والتحقت بمنحة الiti واتخرجت منها ٢٠٢٤ بس للاسف مالقتش شغل انا كنت حبيت الباك اند ،وبعدها جالي شغل بس بعيد عن البرمجة خالص اشتغلت في مجال الماركتنج كسوشيال ميديا ودلوقت كل اما اجي ارجع اللاقي الدنيا بتصعب في المجال بسبب الai مش عارفه المفروض اعمل اي وتايهه بصراحه + نسيت كل حاجة خاصة بالبرمجة للاسف

إرجعي ذاكري الأساسيات وطبقي عليها كتير وإعملي مشاريع بسيطة وكل ده هدفه إنه يدخلك في المود، مجرد ما ده يحصل هتلاقي نفسك بقيتي عارفة تعملي ايه إلى حد كبير أو ع الأقل هتكوني اتخلصتي من فكرة التوهان الملازمة ليكي دلوقتي

بدون اسم ·

انا فلاتر ديفيلوبر وعاوز ازود فرصي في السوق اتعلم نيتيف ios ولا باك اند ولو باك اند ترشحلي ايه (انا عندي خلفيه عن نود ولارافيل)

إنك تدخل في مجالين صعبين زي دول مع بعض ده مش بيزود فرصك.
رأيي إنك تتعمق في المجال بتاعك وتذاكر مواضيع متقدمة فيه أحسن ماتبدأ مجال من أول وجديدة لمجرد إنك تزود فرصك.

بدون اسم ·

السلام عليكم يهندسه انا بدأت من 3 سنين تقريبا php وعملت مشروعين تقريبا عليها وريحت فتره ورجعت تاني من سنه تقريبا اخدت laravel من علة اليوتيوب وطبقت على حوالي 4 مشاريع وخدت انترن شيب اونلاين وحاليا قولت انزل كورس لارافيل بحيث ابقى أكدت على الي فات وخدت خبره وعملت علاقات جديده برضو بس في حد قالي بلاش لارافيل وخليك node js بس انا مستصعب الموضوع ومش حابب ابدا غير لما أخوض التجربه كامله مع لارافيل حابب اعرف راي حضرتك واسف على الإطالة

ماتمشيش ورا حد عموما، لإنك ياما هتسمع وتشوف.
دور بنفسك وماتاخدش خطوة غير لما تكون مقتنع

بدون اسم ·

ازاي اقدر افهم البزنس الخاص بمشروع كبير … خصوصا اني متعمليش on boarding من التيم اما دخلت الشركه وابدا اتعلم ايه “junior nodejs”

شوف مين المسئول عن السيستم في الشركة وأعرف منه أهم الأجزاء اللي بتركزوا عليها في الشغل اليومي، أنا مقتنع بفكرة ٨٠/٢٠ . إن في الغالب بيكون فيه ٢٠٪ من السيستم هو أهم جزء وده اللي فيه الشغل.
برده حاول تستخدم الـ AI إنه يمشي معاك واحدة واحدة ويفهمك الدنيا ماشية إزاي

بدون اسم ·

هل علشان ابدأ فري لانس، لازم اكون محترف في التراك، مثلا الفرونت. تنصحني بإيه: ابني أساس قوي في الفرونت ومهارات ومشاريع وبعدين ابدأ ادور على شغل، ولا أبدأ أدور من دلوقتي، مع ان الموضوع بيكون عاوز اني افضّيله وقت ممكن اذاكر فيه واتعلم مهارات اكتر. لإني في كلية والمواد تقيلة فعلا بذاكر جمبها بالعافية.

اه عشان تبدأ فري لانسنج حاليا لازم تكون قوي في مجالك وبتطور فيه دايما، لكن ده مايجيش على مذاكرتك في الكلية والمواد بتاعتك، ممكن تبدأ تدور على خفيف كده

بدون اسم ·

انا مؤخرا جدا حسيت إن المذاكره من الكتب افضل بكتير من فيديوهات اليوتيوب ممكن تشرح لينا افضل كتب ف ال backend track node.js عشان حاسس إن فايتني حاجات كتير جدا

شوف كتاب Head First Design Patterns ممتاز ولما تخلصه هتعرف ايه الخطوة اللي بعدها لإن الموضوع محتاج تفاصيل منك كتير عن مستواك وهدفك ايه ؟

بدون اسم ·

انا بستخدم ال ai tools ف شغلى بالطريقة القديمة اللى هى ان ابعتله الكود لو فى ايرور يحله ولو هعمل فيتشر جديدة مثلا بمشى معاه خطوة خطوة لحد ما نوصل لكن مش بستخدمه خالص بالطريقة الحديثة اللىةهى انه يبقى ليه اكسيس ع الجهاز بتاعى ويعمل تاسكات لوحوده وانا مش موجودة او اديله المشروع كامل وهو يشتغل فيه لوحده وكده معنديش مشكلة ف الطريقة بتاعتى غير انى بحس انى outdated ومش ملمة باللى بيحصل حواليا وكمان بستخدم النسخة الفرى عشان بتكفينى مش بحس انى محتاجة زيادة ف ايه رأى حضرتك هل لازم اواكب كل اللى بيحصل او بينزل جديد ؟

لا عادي كل واحد بيتعامل بالطريقة اللي تريحه المهم إنها تكون بتوصل لنتيجة كويسة وفي وقت قصير، لكن برده حاولي تشوفي حوار الـ agentic development

بدون اسم ·

دلوقتي أنا اتعلمت .net اكيد الخطوه الجايه اعمل بروجيكتات طيب دلوقتي محتاجه اني انا اللي اعمل البروجيكت بايدي فعشان اعرف اني ماشيه صح بجيب بروجيكت معمول من GitHub واعمل زيه وامشيه خطوه خطوه بس بصراحه كتفكير في البروجيكت مش بكون فاهمه كويس اجيب منين بروجيكت يكون مشروح فيه كل حاجه كا structure ماشي ازاي وال erd للبروجيكت وامشي معاه خطوه خطوه لأن موضوع جيت هب احيانا باخد copy paste وبحس اني مش بعمل حاجه الخلاصه اي الطريقه الصح اني اعمل بيها بروجيكت واستفاد منه

الفكرة دي كويسة جدا وهتعلمك كتير وأنا كنت كتبت عن حاجة شبه دي هنا : إزاي تطور مستواك بقراءة الـ source code بتاع Laravel؟
الموضوع بس عايز صبر وبرده ممكن تستعيني بـ ChatGPT يشرحلك فكرة أو class معين مش واضح لما تربطي النقط ببعض، لكن انتي ماشية صح والفكرة دي هتفرق كتير في مستواكي

بدون اسم ·

انا خريج حاسبات 2024 في تراك Full Stack Web Laravel & React & Vue ومخلص جيش بقالي 10 شهور ومش لاقي شغل من ساعت ما خلصت جيش لحد الان معاايا عميل سعودي حد من اصحابي رشحه ليا بعمله حاليا CRM With Automations من الصفر هنخلي ال AI هيبقا مسؤل كامل علي كل Channels platforms Social media ولسه طبعا مخلصتهوش لان كبير شويه زي ما حضرتك عارف .. وبقدم كتير علي شركات مفيش رد غير بالرفض مفيش سبب واضح .. اعمل ايه السوق بقا صعب يعني الواحد بينافس الناس القديمه اللي اتعملها Layoff مع سوق AI والوضع صعب وعندنا مسؤليات واحلام عايزين نحققها وانا بحب المجال من ايام الكليه وبسعي كتير ومظبط لينكدان وال cv وكل اللي حضرتك هتقول عيه ظبطه انا مظبطه فعلا

هو الوضع صعب والسوق مش مستقر، أنا مقدر ده لكن مفيش في إيدينا غير إننا نحاول بس وأنا شخصيا أتعرضت للظروف دي وليا ناس صحابي نفس الكلام لكن بنسعى ونحاول نعمل اللي علينا بضمير وربنا بيكرم
ممكن تشوف الفيديو ده وإن شاء الله يفيدك: https://www.youtube.com/watch?v=6vqyl8Lbsys

بدون اسم ·

هل من مساعده بقالي اكتر من سنتين علي مواقع الفريلانس مش قادره اجيب عميل يوحد ربنا واتبعت كل الحاجات البتتقال في الفيديوز والنصايح وبرضو صحرا

نصيحتي أطلعي برة المواقع دي شوية وحاولي تهتمي انك تتعرفي على ناس في مجالك وتعرفيهم انتي بتعملي ايه، اهتمي بإنك تنشري شغلك مثلا وتطبقي حاجات جديدة، بمعني أصح حاولي تتحركي ناحية الشغل ماتستنيش إنه يجي بس وخليكي برده بتدوري على مواقع الفري لانسنج زي ماانتي.
المهم تحاولي في كل الاتجاهات

بدون اسم ·

امتا ببدا اتشهر على upwork ويبدا يجيلى انتفتيشنز. كمان المفروض المعدل الكويس اجيب اوفر واحد من كل كام بروبزل ابعته ك بدايه

ملهاش علاقة خالص، بس اللي لاحظته طول ماانت بتعمل activities عليه بتخلص مشاريع، بتحدث بروفايلاتك بشغلك وهكذا بروفايلك بيظهر وطبعا مهم تشترك في الباقة المدفوعة بتاعتهم

بدون اسم ·

انا متخرجه 2024 ولحد دلوقتي ملقتش فرصه ك فرونت وحاليا بتعلم node بس انا تايهه اوي ف مجال وعلطول بحس أن مش كفايه ومش عارفه اوصل حتي ل training offline ف محتاجه نصيحه م حضرتك لان فكره ان متوفقتش ف شغل فرونت ديه بتأثر عليا لو ملاقتش بعد كده full stack وممكن حضرتك تقولي اتاكد ازاي أن ماشيه صح ف مذاكره وف تراك عمتا وبعتذر ع الاطاله وشكرا ل حضرتك

هو مفيش أي حاجة هتقولك إنك ماشية صح أو غلط، لكن المهم إنك تمشي ماتوقفيش مذاكرة ولا تدوير على شغل، الفكرة بس إن السوق حاليا فيه تخبط جامد ومش مستقر واللي بتمري بيه ده طبيعي جدا.
شوفي المقال ده وإن شاء الله يفيدك برده: ذاكرت كتير ومش عارف تطبق؟ إزاي تنقل للخطوة الجاية

بدون اسم ·

انا معنديش سؤال انا backend زي حضرتك وحابب اتطور وابقي حاجة كبيرة في المجال ويبقي عندي علم كبير زي حضرتك فا انا كنت بستأذن حضرتك لو ينفع تكون ال mentor بتاعي علشان ارجع لحضرتك كل فترة اسألك علي حاجة او ارجع لحضرتك من وقت للتاني استشيرك في بعض الامور

عينيا، أتشرف بيك.
إبعتلي ع الواتساب وأنا معاك إن شاء الله، هتلاقي لينك الواتساب في الموقع بتاعي